Sillobre reúne 12 fabricantes na súa 1ª Festa do Queixo
Sillobre celebrou este sábado a 1ª Festa do Queixo
Unha ducia de postos de queixo -entre fabricantes e distribuidores de varias marcas- déronse cita este sábado na 1ª Feira do Queixo de Sillobre (Fene/A Coruña), nunha xornada na que ameazou a chuvia, o que puido ser un condicionante para algúns posibles visitantes.Destacaron os queixeiros que acudiron a invitación para expoñer os seus produtos que o fixeron guiados polo labor de colaborar e darlle pulo ao feiral neste primer encontro. Tamén valoraron positivamente as vendas e a decisión do público para mercar. Os organizadores cifraron en máis de mil os visitantes.
Ler máis
Ler máis
Sillobre entra en escena o sábado coa súa 1ª Festa do Queixo
Membros de 'Agarimo' e Gandaría Sillobre mostran o cartel anunciador
O vindeiro sábado, 25 de outubro, nace unha nova feira do queixo en Galicia, na parroquia de Sillobre (no concello de Fene/A Coruña), combinando o impulso da Sociedade Cultural, Recreativa e Deportiva (SCRD) Agarimo e o diario traballo produtivo e comercial da Gandaría Sillobre.
Deste xeito, no que vai de ano, son dous os novos proxectos incorporados á exaltación dos queixos galegos. O primeiro foi a finais de abril, coa celebración da Feira de Queixos de Pontedeume (Merca Queixo).
Ler máis
Deste xeito, no que vai de ano, son dous os novos proxectos incorporados á exaltación dos queixos galegos. O primeiro foi a finais de abril, coa celebración da Feira de Queixos de Pontedeume (Merca Queixo).
Ler máis
Goente promociona con éxito o queixo e o mel, os seus produtos estrela
Os asistentes puideron probar petiscos elaborados con queixo e mel
A parroquia pontesa de Goente celebrou este domingo a súa décimo quinta Feira do Queixo e do Mel, que segue a manter un formato marcadamente local e na que se se volveron promocionar con éxito os dous produtos, así coma outros procedentes do agro e da artesanía galega.
A fórmula, segundo lembrou a conselleira de Turismo e Promoción Económica do concello coruñés das Pontes, Elena López, é seguir poñendo en valor tanto as propostas que saen da fábrica local de Queserías del Eume como da Casa do Mel de Goente, unha asociación formada por preto de cincocentos apicultores de todo o país, pero sobre todo da provincia.
Ler máis
A fórmula, segundo lembrou a conselleira de Turismo e Promoción Económica do concello coruñés das Pontes, Elena López, é seguir poñendo en valor tanto as propostas que saen da fábrica local de Queserías del Eume como da Casa do Mel de Goente, unha asociación formada por preto de cincocentos apicultores de todo o país, pero sobre todo da provincia.
Ler máis
A chuvia non arredou aos amantes do requeixo da Capela
A choiva xogou ao longo da xornada dominical coas expectativas dos organizadores da XXXV Festa do Requeixo da Capela. Contra a unha da tarde, caeu auga con intensidade durante uns minutos, pero o pregoeiro desta edición non tivo dificultade para chegar ao palco da música, aínda que boa parte da audiciencia fíxose forte nos amplos acubillos dos puntos de venda. O escuro nubeiro inicial deu paso a un sol pouco crible. Pola tarde choveu algo e por momentos. O panorama non impediu que á hora de facer balance se volvese rexistar un ano máis unha venda de preto de 3.000 terrinas de requeixo.
Ler máis
Ler máis
Queixo en Compostela: un achegamento ao sector ( e 2)
As catas, degustación e venda de queixos fíxose en San Martiño Pinario
Despois das análises e das teorías do primeiro día do Cheese Market Tour en Santiago, e de falar da diversidade, calidade e tradición do queixo galego, con cinco mesas profesionales de debate chegou o tempo da práctica.
O venres 18 de xullo, os afeccionados aos queixos galegos tiveron a aportunidade de participaren en catas guiadas, tanto dos incluídos como dos excluídos das denominacións de orixe protexida (DOP). E o venres 19 de xullo, 12 fabricantes galegos e seis produtores agroalimentarios expuxeron os seus produtos.
Ler máis
O venres 18 de xullo, os afeccionados aos queixos galegos tiveron a aportunidade de participaren en catas guiadas, tanto dos incluídos como dos excluídos das denominacións de orixe protexida (DOP). E o venres 19 de xullo, 12 fabricantes galegos e seis produtores agroalimentarios expuxeron os seus produtos.
Ler máis
Queixo en Compostela: un achegamento ao sector (1)
David de Santiago, presidente de QdeQuesos, durante a inanguración
Remataron o pasado 19 de xullo en Santiago dúas importantes iniciativas: unha xornada sobre 'O papel do queixo galego' (o xoves) e a exposición 'Mercado do queixo galego e produtos de cercanía' (o venres e o sábado) que incluíu a venda de queixos dunha ducia de fabricantes do país. Todo da man do Cheese Market Tour e co apoio da Organización Interprofesional Láctea (Inlac). Na xornada falouse da distribución e venda do produto, dos beneficios tanxibles, do desenvolvemento rural ou dos beneficios do sector. Os queixeiros, os auténticos protagonistas desde encontro, tamén expuxeron os seus puntos de vista.
Ler máis
Ler máis
112.000 visitantes e moito queixo galego na Semana Verde
Queixos Brigantia, na Semana Verde
O bo tempo axudou a despedir con ledicia a XLIII Feira Internacional Abanca Semana Verde de Galicia, que pechou edición con 112.200 visitantes, segundo un sistema de cámaras de sofware intelixente situadas nas entradas ao recinto silledense que permitíu obter cifras totais de asistencia con maior precisión. Acudiron 758 empresas e entidades de España, Portugal Italia, Cuba, Colombia, México e Estados Unidos. Nun escaparate tan amplo -con máis de 200 actividades diferentes- non volveron faltar algúns fabricantes dos mellores queixos galegos.
(Ler máis)
(Ler máis)
Merca Queixo: todo parabéns
I Festa de Queixos de Pontedeume
A Feira de Queixos de Pontedeume (Merca Queixo) non puido ter mellor arranque nin acollida, cun recoñecemento xeral dos asistentes, dos vendedores, e da hostalaría. Sen apuros, e coa inestimable colaboración do tempo, cafetarías, bares e restaurantes tiveron traballo dabondo durante esta fin de semana, e os postos de venda de queixos apuraron existencias.
En total acudiron a Merca Queixo 25 queixerías da Península Ibérica, con queixos galegos, do País Vasco, de Castela-León, Estremadura ou Portugal.
(Ler máis)
En total acudiron a Merca Queixo 25 queixerías da Península Ibérica, con queixos galegos, do País Vasco, de Castela-León, Estremadura ou Portugal.
(Ler máis)
As Neves leva á súa festa anual dúas toneladas de requeixo
XXXII Festa do Requeixo e Mel das Neves
É difícil precisar o número de asistentes á XXXII Festa do Requeixo e Mel das Neves, pero pode servir a estimación do presidente da Coopertiva Agrícola Condado Paradanta, Alejandro Fernández, quen fala de preto de catro mil persoas o venres.
Venteou, choveu canto quixo e chegou o frío das montañas próximas de Portugal, nas que nevou, pero a gran carpa instalada no centro desta vila do sur pontevedrés rexistrou un pleno total. Para satisfacer a demanda, os organizadores aportaron para os dous días de festa -venres e sábado- dúas toneladas de requeixo.
(Ler máis)
Venteou, choveu canto quixo e chegou o frío das montañas próximas de Portugal, nas que nevou, pero a gran carpa instalada no centro desta vila do sur pontevedrés rexistrou un pleno total. Para satisfacer a demanda, os organizadores aportaron para os dous días de festa -venres e sábado- dúas toneladas de requeixo.
(Ler máis)
O San Simón enche as depensas dos galegos
Don Crisanto, na Festa do Queixo Simón da Costa deste ano
Vilalba pechou a XXIX edición da Festa do Queixo San Simón da Costa, na que as vendas volveron ser moi importantes, ata o punto de que os sete fabricantes da Denominación de Orixe Protexida que concorreron, recoñeceron, sen excepcións, que foi un dos mellores anos. Na vila lucense, capital da Terra Chá, déronse cita o sábado e o domingo milleiros de visitantes, moitos interesados no mundo dos queixos e outros tamén polos encantos da feira que se celebrou hoxe, con longas colas diante das pulperías e churrascarías e un fervedoiro de xente acumulando viandas para encher a despensa, facendo as compras das próximas semanas.
Ler máis
Ler máis
Arzúa pecha ciclo e bate récord, con 50.000 amantes do queixo no 50 aniversario da súa festa anual
O queixo Arzúa-Ulloa gusta moito, pero hai que degustar e logo elixir...
A 50 edición da Festa do Queixo de Arzúa bateu o seu récord de asistencia, con más de 50.000 visitantes durante toda a fin de semana, ao superar todas as expectativas e converterse ao mesmo tempo nun dos encontros máis multitudinarios dos que se celebran en Galicia tanto na exaltación dun produto estrela como é o queixo, como no mundo lúdico, da cultura e do divertimento que arrastra. E non hai que esquecer a vertente feiral de sempre, con centos de postos na rúa ofertando case de todo o que viandantes e curiosos queren ver e poden estar tentados de mercar.
Ler máis
Ler máis
'Pecar en Arzúa', non é pecar
Tapa gañadora do concurso promovido polo Consello Regulador da DOP Arzúa-Ulloa
O Consello Regulador da Denominación de Orixe Protexida (DOP) Arzúa-Ulloa entregou este sábado o Premio de Pinchos e Tapas, un evento que se suma aos actos do 50 aniversario da Festa do Queixo de Arzúa, en plena apoteose este fin de semana, e que lle dá argamasa, paramento e se acaso fuste popular a un evento ao que lle deben quedar cando menos outros cincuenta anos para seguir medrando, que non fai outra cousa. Pois ben, deses bares e restaurantes que lle fixeron estes días no concello coruñés un pouquiño máis agradable a vida a ous seus clientes, hai que destacar un, e unha tapa: 'pecar en Arzúa'. E hai que adiantar xa pola vía gastronómica e do petisco, que 'pecar en Arzúa', non é pecar. Se acaso é moito máis.
Ler máis
Ler máis
Arzúa, 50 anos de queixo no padal e música no Camiño
O municipio coruñés de Arzúa leva 49 anos celebrando unha festa á que acoden moitos e moi variados visitantes. Uns veñen coñecer ou recuncar na degustación dun dos queixos de España con denominación de orixe protexida máis consumidos e reputados; outros moitos acoden tamén á chamada da diversión, do lecer, da troula e das actividades festivas.
Queixo e música volverán darse cita os próximos 14, 15 e 16 de marzo. Son agora 50 anos de traballo cara á proxección dun produto 'estrela', adornado da mellor música ou de mans tan avezadas nos fogóns para a ocasión como as da galega Lucía Freitas ( 'estrela Michelín'), que dará o pregón.
Non queda nadiña, porque este venres, 14 de marzo, hai actividades xa, como a 17ª edición do Concurso de Tapas e Petiscos ou a presentación do Libro colectivo 50 anos, 50 receitas, 1 queixo / Unha viaxe culinaria polo medio século da Festa do Queixo de Arzúa'.
Ler máis
A figura feminina da queixeira impregna o espíritu do 50º aniversario da Festa do Queixo
O Concello de Arzúa presentou hoxe o cartel e a imaxe gráfica do 50º aniversario da Festa do Queixo. Trátase dun tributo visual ás queixeiras, aos visitantes, aos traballadores e traballadoras e ao pasado, presente e futuro desde encontro anual e á tradición que representa. Pero a muller é en todo este proceso de proxección a protagonista, como simbolismo, tradición e esforzo. A Queixería Barral foi o escenario que se elixiu para a presentación dos cinco novos carteis conmemorativos do queixo, con motivo da celebración no ano que entra dunha nova edición do feiral, no que cumplirá os seus primeiros cincuenta anos.
Ler máis
Ler máis
'Conchy': a maxia do leite crú
O fabricante, na Feira do Queixo de Friol e Pan de Ousá de 2024
No ano 2013, xusto cando lles chegou o rexistro sanitario, púxose en marcha en Friol (Lugo) Queixos Conchy, despois de que en 2012, César Modia Lage rematase os seus estudos. Era delineante, pero como non tiña traballo daquela é o país andaba en crise, apostou coa súa familia por montar a queixería da que é hoxe copropietario, xunto coa súa irmá, Gemma Modia. Para o proxecto había unha base prometedora: a granxa familar que daquela atendía a súa nai. Hoxe, Lácteos Conchy segue a ser un pequeño produtor, de xeitos tradicionais, que ofrece os sabores, recendos e suxestións do leite natural, crú.
Ler máis
Ler máis
"Teño un cariño especial polo queixo Cebreiro"
O director de El Comidista, na Cata de Queixos de Galicia de 2023
Mikel López Iturriaga rí con ganas varias veces nesta entrevista, a primeira cando sitúo erróneamente o seu domicilio en Madrid en lugar de en Barcelona e a segunda cando lle pregunto por canto lle vai durar a 'colección' de pezas coas que foron agasallados os participantes na Cata dos Queixos de Galicia 2023. Amante dos queixos, ten polo do Cebreiro unha especial debilidade e sabe ben onde chamar para repoñer existencias. Mikel López, que en materia gastronómica toca todos os paus, valora a súa experiencia como catador -a primeira- en Galicia como moi boa e asegura que aprendeu moito.
Ler máis
Ler máis
Arzúa-Ulloa, "Non hai queixa"
A Denominación de Orixe Protexida (DOP) Arzúa-Ulloa mantén a consolidación do crecemento da produción dos seus queixos, cun 2,10 por cento máis en 2020 en relación co ano anterior, no que mandou na economía un desconcerto xeral que en maior ou menor medida chega ata hoxe.
Non obstante, "a situación está ben; non hai queixa", segundo o balance resumido do presidente do Consello Regulador da DOP, Xosé Luis Carrera Valín, quen recorda que durante a última década "crecemos un pouco. Estivemos estabilizados un anos pero, precisamente, o ano pasado, que foi o ano da pandemia, medramos".
Ler máis
Portal dos Queixos de Galicia / queixosdegalicia.com
