A cata celebrouse este ano na Aula Gastrocultural do Mercado de Abastos de Santiago
QdeG
Xa hai data para a celebración do acto de entrega dos premios aos mellores queixos galegos acollidos a algunha das catro denominacións de orixe protexida (DOP), edición 2023. Será o vindeiro venres, 24 de novembro, nun lugar que aínda non se fixo público. A cata-concurso celebrouse a mediados desta semana en Santiago de Compostela.
Presentáronse 47 mostras de 28 queixerías, distribuídas entre a DOP Queixo Tetilla (18 mostras), DOP Arzúa-Ulloa e Arzúa-Ulloa curado (19 mostras en total), DOP San Simón da Costa (6 mostras) e DOP Cebreiro e Cebreiro curado (4 mostas en total).
Na XXVI Cata dos Queixos, ademais dos catro membros do panel de cata da Consellería do Medio Rural (Sonia Otero Padín, Carlos Veiga Pérez, Mariela Barca Villarta e Salomé Beiroa Fernández), incorpóranse oito profesionais máis. En concreto, Mikel López Iturriaga, xornalista gastronómico e director de El Comidista; Miguel Fernández Vidal, chef e propietario do restaurante Morgana; un rostro moi coñecido da TVG, Merchi Rodal Mallo, á que podemos ver no programa ‘A voltas co prato’; o xornalista Carlos Crespo Gómez, de La Voz de Galicia; o produtor de queixos Javier Sampayo Menéndez; e Johanna Christina Sweers Penalonga, membro da Aula de Produtos Lácteos e Tecnoloxías Alimentarias (APLTA).
Cata dos Meles
Por outra parte, o pasado martes desenvolveuse a XXII Cata dos Meles, que contou coa participación de catro membros do panel de cata da Indicación Xeográfica Protexida (IXP) Mel de Galicia: Paula Casaleiro Barros, Javier de la Fuente García, Miguel Ángel Rodríguez Garea e Beatriz Ríos Cebreiros. Aos que se uniron o xornalista gastronómico Jorge Guitián Castromil, o chef Julio Mato del Río e o reposteiro Diego Trillo Caamaño, premio Pasteleiro Revelación dos Madrid Fusión Alimentos de España 2022. En total catáronse 54 mostras de 25 industrias acollidas á IXP Mel de Galicia, nas caterías de meles monoflorais (31 mostras), meles multiflorais (21 mostras) e e mel de melada ou de bosque (dúas mostras).
Xa hai data para a celebración do acto de entrega dos premios aos mellores queixos galegos acollidos a algunha das catro denominacións de orixe protexida (DOP), edición 2023. Será o vindeiro venres, 24 de novembro, nun lugar que aínda non se fixo público. A cata-concurso celebrouse a mediados desta semana en Santiago de Compostela.
Presentáronse 47 mostras de 28 queixerías, distribuídas entre a DOP Queixo Tetilla (18 mostras), DOP Arzúa-Ulloa e Arzúa-Ulloa curado (19 mostras en total), DOP San Simón da Costa (6 mostras) e DOP Cebreiro e Cebreiro curado (4 mostas en total).
Na XXVI Cata dos Queixos, ademais dos catro membros do panel de cata da Consellería do Medio Rural (Sonia Otero Padín, Carlos Veiga Pérez, Mariela Barca Villarta e Salomé Beiroa Fernández), incorpóranse oito profesionais máis. En concreto, Mikel López Iturriaga, xornalista gastronómico e director de El Comidista; Miguel Fernández Vidal, chef e propietario do restaurante Morgana; un rostro moi coñecido da TVG, Merchi Rodal Mallo, á que podemos ver no programa ‘A voltas co prato’; o xornalista Carlos Crespo Gómez, de La Voz de Galicia; o produtor de queixos Javier Sampayo Menéndez; e Johanna Christina Sweers Penalonga, membro da Aula de Produtos Lácteos e Tecnoloxías Alimentarias (APLTA).
Cata dos Meles
Por outra parte, o pasado martes desenvolveuse a XXII Cata dos Meles, que contou coa participación de catro membros do panel de cata da Indicación Xeográfica Protexida (IXP) Mel de Galicia: Paula Casaleiro Barros, Javier de la Fuente García, Miguel Ángel Rodríguez Garea e Beatriz Ríos Cebreiros. Aos que se uniron o xornalista gastronómico Jorge Guitián Castromil, o chef Julio Mato del Río e o reposteiro Diego Trillo Caamaño, premio Pasteleiro Revelación dos Madrid Fusión Alimentos de España 2022. En total catáronse 54 mostras de 25 industrias acollidas á IXP Mel de Galicia, nas caterías de meles monoflorais (31 mostras), meles multiflorais (21 mostras) e e mel de melada ou de bosque (dúas mostras).
Fase visual na cata dos queixos, neste caso dos San Simón da Costa participantes
Catadores e organizadores, na foto de familia desta XXVI edición
Fuente RSS
