A Queixería Don Crisanto ten bos e variados galardóns. O último, o Premio Especial Alimentos de España ao mellor queixo. Obtivo a puntuación máis alta nunha cata organoléptica a cegas. Este premio ten como finalidade impulsar e dar a coñecer os queixos españoles de máis calidade e as súas particulares propiedades para o padal. Busca tamén estimular aos produtores a obter queixos de calidade.

O recoñecemento deuno a coñecer o pasado venres o Ministerio de Agricultura e Pesca, Alimentación e Medio Ambiente. Este queixo vilalbés, da Denominación de Orixe Protexida San Simón da Costa (D.O.P.), tivo outros compañeiros de viaxe, referentes igualmente atractivos á hora de levar á mesa produtos excelentes.

Así, estiveron no panel dos gañadores Quesería Ricardo Remiro, de Eulate (Navarra), na modalidade de queso madurado de oveja; Quesería Lopicomo, de Villamartín (Cádiz), en queixo madurado de cabra; Quesos el Bosqueño, de El Bosque (Cádiz), na categoría de queixo madurado de mezcla; e Quesería Picos de Europa, de Posada de Valdeón (León), en queixo madurado con mofos ou queixo azul.

"Exclusividade e diferencia"

Tal e como proclama esta empresa familar -dedicada a elaboración artesanal de queixo da D.O.P. San Simón da Costa, desde a súa fundación, en 1990-, mantense fiel á filosofía de ofrecer aos clientes un produto "exclusivo e diferente".

'Don Crisanto' está instalada na parroquia de Lanzós, no municipio lucense de Vilalba. Ten esta queixería as súas raíces nunha familia queixeira, na que aboa e antepados aportaron os seus coñecementos para facer este queixo afumado novamente galardoado.  É un importante  premio que se suma a outros moitos obtidos ao longo destes anos.  
 

​

Xa hai gañadores da Cata de Queixos de Galicia 2017, as distincións de ouro foron nesta ocasión para as marcas Daniberto, da Denominación de Orixe Protexida (D.O.P.) San Simón da Costa; Castelo, da denominación Cebreiro; Ruta Xacobea, da denominación Tetilla; Queinaga, da D.O.P. Arzúa-Ulloa;  e Barral, desta última denominación pero na variedade de queixo curado.

O encontro, no que se entregaron tamén as distincións de ouro para a XVI Cata dos Meles de Galicia, celebrouse en Vilalba (Lugo), nun acto que estivo presidido polo titular da Xunta de Galicia, Alberto Núñez Feijóo, quen garantiu o compromiso co sector agroalimentario galego por medio do Plan de promoción da calidade agroalimentaria 2020, para que o sector siga medrando  e para que Galicia se poida consolidar como "sinónimo de calidade", dixo. Engadiu que esta iniciativa conta cunha dotación de 34 millóns de euros.
​
Ademais de impulsar -a través das denominacións de orixe e identificacións  xeográficas- o crecemento dun sector fundamental para o desenvolvemento do rural, Núñez Feijóo sinalou tamén que dito plan ten en conta a necesidade de loitar contra a competencia desledal, facendo especial fincapé na importancia da correcta identificación dos productos,  algo que as propias D.O.P. dos queixos demandan especialmente.

Pratas e bronces
Entre os mellores queixos de 2017, por decisión dun experto equipo de catadores, houbo distincións tamén de prata e de bronce, e diversos diplomas.   Na categoría de prata están Casleiras (D.O.P. San Simón da Costa), Gran Despensa -Real Abadía de Samos (D.O.P. Cebreiro),  Bo Queixo (D.O.P.Tetilla) e Castillo de Pambre (D.O.P. Arzúa-Ulloa) .

As disticións de bronce foron para as marcas Queinaga (D.O.P. Tetilla), El Labrador Estradense (D.O.P. Arzúa Ulloa) e Don Crisanto (D.O.P. San Simón da Costa).

Boa saúde do sector
As 30 denominacións de orixe e indicacións xeográficas existentes no ámbito agroalimentario, ás que habería que engadir  as produccións ecolóxicas certiticadas  galegas, poñen de manifesto "a boa saúde do sector", segundo destacou o presidente da Xunta, quen argumentou tamén que o establecemento dunha denominación de calidade nunha zona supón unha oportunidade económica, fixa poboación e consolida a agricultura e a agroindustria como sectores de futuro. Como mostra,  aludiu ás cifras destas denominacións de calidade: máis de 400 millóns de euros de produción certificada, 23.000 produtores en activo implicados e preto de 1.000 industrias.

Na XVI Cata dos Meles de Galicia, a distinción de ouro  na categoría de multiflorais foi para Alfimel - Josefa Paz Vizoso (Burela-Lugo),  que obtivo tamén o primeiro premio para a categoría de meles monoflorais.