​Un ano máis, fiel á súa cita, o Concello coruñés da Capela, en estreita colaboración coa Cooperativa  Campo Capela, volve convocar o domingo 28 de agosto aos amantes da gastronomía para celebrar na capitalidade do municipio a XXVIII edición da Festa do Requeixo. No encontro,  que se celebra nas Neves,  volverán darse cita miles de visitantes para degustar este produto. As previsións iniciais falan de 8.000 terrinas de requeixo á venda.   
Se o tempo axuda, que parece que así será, o número de asistentes podería sobrepasar os 5.000 que se estima que acudiron o pasado ano.

Xunto coa festa gastronómica, que conta coa presentación dunha ampla proposta da Coperativa Campo Capela (queixo, fresco, queixo do país, queixo de Tetilla, queixo en aceite, manteiga, nata ou o licor de requeixo) o encontro inclúe a venda doutros queixos de Galicia e de produtos artesanaís, repartidos  en ducias de postos de venta nos que non faltan tamén propostas de artesanía.

Para a ocasión, os organizadores prepararon igualmente para os visitantes unha exhibición de cetrería, así como xogos populares e un espectáculo de maxia que correrá a cargo do ilusionista Kiko Pastor.

Actuacións musicais
​
As actuación musicais, que nunca faltan, serán nesta ocasión  a cargo da Banda de Gaitas Álvaro Cunqueiro de Lugo, do grupo musical tradicional Arnela, da banda de Gaitas Alfaia e do músico e acordeonista Andrés Penabad.

Son xa, con este nova edición, 28 anos de celebración dunha festa que conta cunha gran aceptación. Moitos dos asistentes acoden ao recinto festeiro coa intención de degustar aquí o requeixo (con ou sin azucre). Pero son moitos tamén os que o adquiren para disfrutalo na casa. Os prezos son populares: 1,70 euros por terrina. 

​A Queixería Daniberto abriu no ano 1992 e mantivo desde entón unha boa evolución. Lenta ao principio e froito de moito traballo, foi collendo a orientación actual a partir do 2002, ano en que despois dunha reforma amparada no convencemento de que se ía vender máis. Así, no bienio 2002-2003 apostou por ter xente moi preparada,  cun equipo de traballo no plano laboral moi competitivo ao tempo que moi cualificado.
Na actualidade, Daniberto está respaldada por dous socios, irmáns, e conta con seis traballadores que "intentamos que se sintan como da casa", resalta Daniel Pérez, un dos propietarios.
Os principais canais de venda da Queixería Dabinerto son as tendas,supermercados  e a alta charcutería. Vende moito tamén en feiras en distintos puntos de España (de mostras, anuais, mercados medievais, feiras de época e doutras moitas clases).

Camiño dos 100.000 quilogramos de queixo ao ano

Daniberto produce anualmente uns 90.000 quilogramos de queixo, cun crecemento sostido anual  cifrado arredor do 10 por cento. Esta evolución, destasca Daniel Pérez que se mantén desde o ano 2002. O exercicio pasado, a queixería pechou cunha facturación de 785.000 euros.
Como unha boa parte das quexerías da denominación San Simón da Costa, esta empresa está instalada na parroquia que lle da nome, no barrio de Pude, e máis concretamente na casa dos seus pais, que foron os que puxeron o negocio en marcha. Son 11 as queixerías que están baixo a denominación, das que sete, segundo os cálculos de Daniel Pérez, mantéñense  na parroquia da que partiu o proxecto.

Produtos
​
Ademais do queixo de San Simón Costa, Daniberto produce queixo de Tetilla,e queixo do país ou 'Patelo' (en pezas de 800 gramos e tres quilogramos). No ano 2015 puxo á venda un queixo con pemento picante, un producto que está a ter unha moi boa acollida. Trátase nese último caso dun producto algo máis caro, marcado polas subidas do prezo do pemento e porque non se trata dun queixo de alta rotación.
A queixería traballa tamén "algo" co Corte Inglés e con moitas charcuterías. Conta con distribuidores nas catro provincias galegas que chegan ás pequenas tendas, algunhas das cales  mercan tamén directamente a fábrica. Os supermercados Gadis son igualmente compradores preferentes.