​As marcas Daniberto (Tetilla) , Bo Queixo (Arzúa-Ulloa), Barral (Arzúa-Ulloa curado), Don Crisanto (San Simón da Costa) e 'Castelo' (Cebreiro) foron as gañadoras da XVIII Cata dos Queixos de Galicia. Os galardóns entregáronse hoxe en Santiago, nun acto que estivo presidido pola conselleira do Medio Rural, Ángeles Vázquez.

Na súa intervención, a titular de Medio Rural, destacou os datos de facturación das 72 queixerías galegas amparadas baixo os consellos reguladores, que produciron en 2014 máis de 5.000 toneladas de queixo, cun valor económico estimado de máis de 31 millóns de euros.

No acto entregáronse tamén os premios da XIV Cata dos Meles de Galicia, un producto que rexistrou o ano pasado unha produción amparada pola Indicación Xeográfica Protexida superior aos dous millóns de euros.
Ángeles Vázquez sinalou que “dende a Xunta traballamos para aumentar o valor engadido dos nosos produtos facilitando a súa capacidade de exportación”. 

​Engadiu que, para iso, “estamos a contribuír na organización colectiva dos agricultores, incentivando a relación territorial da produción, transformación e comercialización dos produtos agrícolas, particularmente a través da promoción de cadeas curtas de comercialización e do apoio á investigación, innovación e desenvolvemento de novos produtos agroalimentarios”.

Prestixo, dificultades e carencias
Recoñeceu que malia o prestixo que teñen os produtos galegos nos mercados e entre os consumidores, o sector produtor agrario ten importantes carencias e dificultades estruturais que lles dificulta o acceso aos mercados”. Dixo ademais que  a pequena dimensión empresarial e a falta de integración son os factores que máis limitan o seu acceso aos mercados nacionais e internacionais dunha forma competitiva. "Por iso, é fundamental desenvolver actuacións para promover a comercialización dos produtos agroalimentarios galegos”, argumentou.

Nesta liña, asegurou a conselleira que se lle vai dar máis pulo ao Plan especial de promoción agroalimentaria para acometer as accións promocionais directamente executadas pola Consellería do Medio Rural, como campañas publicitarias, asistencia a feiras, organización de distintos eventos como catas de viños, de augardentes, de queixos, etcétera, e tamén as que realizan directamente tanto os Consellos Reguladores como as asociacións sectoriais.

Na cata de queixos da presente edición participaron 68 mostras, nove máis que na edición de 2014. Das 68 mostras, 28 corresponderon á Denominación de Orixe Protexida Queixo (DOP) de Tetilla, outras 28 á DOP Arzúa-Ulloa, nove á DOP San Simón da Costa e tres á DOP Cebreiro.


RELACIÓN DOS PREMIADOS
 
XVIII CATA DOS QUEIXOS DE GALICIA – 2015
 
D.O.P. QUEIXO TETILLA
1º POSTO E DISTINCIÓN DE OURO: “DANIBERTO” – Daniberto, S.A.T. (Vilalba – Lugo)
2º POSTO E DISTINCIÓN DE PRATA: “BO QUEIXO” – José Castro Tejo (Boqueixón – A Coruña)
3º POSTO E DISTINCIÓN DE BRONCE: “QUEINAGA” – Queinaga, S.A.T. (Curtis – A Coruña)
4º POSTO E DIPLOMA: “TERRA DE MELIDE”– Lácteos Terra de Melide, S.L. (Melide – A Coruña)
5º POSTO E DIPLOMA: “RUTA XACOBEA” – Alimentos Ruta Xacobea, S.L. (O Pino - A Coruña)
6º POSTO E DIPLOMA: “MOECHE” – Lácteos de Moeche, S.L. (Moeche - A Coruña)
 
 
D.O.P. ARZÚA-ULLOA
1º POSTO E DISTINCIÓN DE OURO: “BO QUEIXO” – José Castro Tejo (Boqueixón – A Coruña)
2º POSTO E DISTINCIÓN DE PRATA: “RUTA XACOBEA” – Alimentos Ruta Xacobea, S.L. (O Pino - A Coruña)
3º POSTO E DISTINCIÓN DE BRONCE: “PAZO ANZUXAO” – Lácteos Anzuxao, S.L. (Lalín - Pontevedra)
4º POSTO E DIPLOMA: “QUEINAGA” – Queinaga, S.A.T. (Curtis – A Coruña)
5º POSTO E DIPLOMA: “ARQUESÁN”– Agro Despensa, S.L. (Touro – A Coruña)
6º POSTO E DIPLOMA: “ARTELAC” – Antonio Ferreiro Ferreiro (Antas de Ulla – Lugo)
 
D.O.P. ARZÚA-ULLOA CURADO
1º POSTO E DISTINCIÓN DE OURO: “BARRAL” – Queixería Barral, S.L. (Arzúa – A Coruña)
 
D.O.P. SAN SIMÓN DA COSTA
1º POSTO E DISTINCIÓN DE OURO: “DON CRISANTO” – Crisanto, S.A.T. (Vilalba – Lugo)
2º POSTO E DISTINCIÓN DE PRATA: “PRESTES” – Queixería Prestes, S.L. (Vilalba – Lugo)
3º POSTO E DISTINCIÓN DE BRONCE: “CASLEIRAS” – Queixería Cas Leiras, S.L. (Vilalba – Lugo)
 
D.O.P.CEBREIRO
1º POSTO E DISTINCIÓN DE OURO: “CASTELO” – Castelo de Brañas, S.L. (Pedrafita do Cebreiro – Lugo)
 
 XIV CATA DOS MELES DE GALICIA 2015
 
CATEGORÍA A: MELES MONOFLORAIS
1º POSTO E DISTINCIÓN DE OURO: “ALFIMEL” – Josefa Paz Vizoso (Burela – Lugo)
 
CATEGORÍA B: MELES MULTIFLORAIS
1º POSTO E DISTINCIÓN DE OURO: “BARBANZA MEL” Abelleiros Fidosa, S.L. (Porto do Son - A Coruña)
2º POSTO E DISTINCIÓN DE PRATA: “O TROBO MEL DO VALADOURO” – María Fe Sixto Pernas (O Valadouro – Lugo)
3º POSTO E DISTINCIÓN DE BRONCE: “MEL DE MONFERO” Josefa María Durán Casal (Monfero - A Coruña)
4º POSTO E DIPLOMA: “MEL O TESTEIRO” – María Munín Taboada (Lalín - Pontevedra)
5º POSTO E DIPLOMA: “ALFIMEL” – Josefa Paz Vizoso (Burela – Lugo)
6º POSTO E DIPLOMA: “MEL DO SALDOIRO” – Antonio Gómez Tapia (Lalín - Pontevedra)

Que non che poida nunca o desánimo. Ese tivo que ser o cerne da idea comercial inicial que levou ata hoxe á fábrica de queixos Lácteos Anzuxao (Madriñán/Lalín/Pontevedra). A venda directa, ao consumidor final, nos primeiros momentos, desanima, e fai falla unha boa dose de perseverancia e ganas de saír adiante para trunfar.

Antano como hoxe en día, a empresa utiliza a venda porta a porta con notable éxito. Pero non foi algo elixido, senón por que as circunstancias obrigaron a iso. "nós pechamos a fábrica dúas veces, unha por falta de pago de clientes, sobre todo un que tiñamos en Ferrol, e outra cando Sanidade quería  que fixeramos obras estructurais na fábrica, cando fora para o selo de homologación do ano 1991", lembra Javier Sampayo, xerente-administrador de Lácteos Anzuxao.

Entre que a xente non pagaba e verse na obrigación de pagar as obras esixidas por Sanidade, as dificultades medraron, "éranos imposible".  Pero, ao final, fixéronse as obras a xente soubo esperar e foise pagando o adebedado. "Entón empezamos a fabricar e o meu irman tiña on coche pequeño e empezou a ir polas aldeas", lembra Javier Sampayo.

Primeiro foi un coche, logo "unha furgonetiña pequeña". Pero claro, vender non é doado e, moitas veces, saes e  tan só vendes corenta ou cincuenta quilogramos.  E sobre todo, ao empezar, desanímaste moito, porque  un día podes vir con seis ou sete euros en vendas. "Pero ao final as contas saen, e "véndese moito". O que non quita que en ocasións "teñamos que facer case de psicólogos" cado empeza a vender a xente nova, "porque desenímase moito", sinala o xerente-administrador de Lácteos Anxuzao.

Organización, calidade e clientes
Pero para manter o fluxo de vendas sen que decaia, é precisa moita organización. A empresa ten actualmente unha frota de dez coches que recorren diariamente Galicia para vender a ampla gama de produtos de Lácteos Anzuxao. E hai dous coches parados, preparados para a venta, e una persoa disposta permanentemente por se falta algún vendedor, por enfermidade ou calquera outra causa. "Ese rapaz sabe o reparto deses dez vendedores, cando son as vacacións, etcétera".

En todo este proceso, o fundamental, é a calidade do leite, segundo asegura Javier Sampayo, que se serve de primeiros compradores que, a súa vez, adquírenllo aos gandeiros. Isto é así porque diante de festivos ou vacacións, a fábrica pode facer unha programación semanal, evitando ter que recoller leite durante os fin de semana, que é cando manteñen a pleno redimento outro dos seus grandes activos, a tenda instalada no propio pazo de Anzuxao.

Logo están os clientes, que non soen ser ocasionais e desde logo, anónimos. A opinión dos compradores é "a máis importante de todas", porque sen eles e sen coñecer o que pensan dos produtos que lles ofrece Lácteos Anxuzao,  os produtos "quedarían por aí, e vendería queixos cun ano de maduración, se é que os vendo", sentencia. Sampayo asegura valorar sempre as críticas construtivas, positivas ou non, "tendando corrixir os fallos que poideran xurdir".

Produtos
Esta empresa, que se puxo en marcha no ano 1969, baixo as directrices de Josefina Menéndez, a nai do actual xestor e auténtica aglutinadora do proxecto,  comezou traballando con leite cru. En 1982 iniciou a pasteurización, mellorando pouco a poco o proceso, ata chegar ao día de hoxe, "en que todo está actualizado". O resultado son múltiples productos entre os que se atopan queixos das denominacións de orixe protexida Arzúa-Ulla e Tetilla, queixo maduro, queixo semigraso, queixo tipo país e, desde fai arredor de tres anos, o requeixo.

A tenda
Houbo un tempo no que na tenda de Lácteos Anxuzao, os visitantes, que se contan por fins de semana e autobuses, eran compradores nun 90% dos casos. Aínda hoxe en día, preto da metade termina por mercar algún produto.  A semana pasada, sen ir máis lonxe, achegáronse pola mañá tres autobuses con excursionistas que veñen non so a degustar ou comprar o queixo, senón a dar un paseo arredor do pazo, a ver a súa fermosa capela ou coñecer outros atractivos que alí se ofrecen.

Galicia Calidade
Lácteos Anzuxao, que procesa mensualmente uns 150.000 litros de leite, que se traducen nuns 17.000 queixos, é membro do selo Galicia Calidade, que distingue aqueles produtos e servizos que pola súa elaboración en Galicia, pola súa materia prima ou deseño galegos, merezan tal distinción, unha vez contrastada a súa calidade mediante as autidorías de control.

Anzuxao, que polas ventas que fai paga anualmente arredor duns cinco centos euros como asociado, sinala que ademais dunha auditoría interna, Galicia Calidade aporta "moitísima publiciade", cunha interesante promoción que dá a coñecer os seus produtos de cara a novos potenciais clientes, reforzando ademais a súa imaxe para os que xa os coñecen.