Son os últimos datos oficiais. A referencia, totalmente pechaxa xa é para o ano 2015, inclúe exclusivamente as catro denominacións de orixe protexidas de queixos galegos: Arzúa Ulloa, Tetilla, San Simón da Costa e Cebreiro. o balance son case 5.300 toneladas producidas e preto de 33 millóns de euros facturados, cun incremento do 6 por cento tanto en toneladas como en valor económico.

As cifras achegounas a conselleira do Medio Rural, Ángeles Vázquez, na XIX Cata dos Queixos de Galicia, o pasado 21 de decembro, no municipio coruñés de Touro. A titular do Medio Rural resaltou  o traballo de todos os produtores e industrias que, como no caso da industria láctea, "fan dos nosos productos un referente culinario dentro e fóra das nosas fronteiras", asegurou.

O obxectivo da Administración Autonómica  é seguir apostando para que o sector da alimentación manteña o seu peso no mercado nacional e internacional e que acade a sona que merece grazas a calidade dos produtos galegos e a o traballo e esmero dos produtores e das industrias.

De feito, Galicia, con 30 denominacións e indentificacións, está entre as primeiras comunidades autónomas españolas en canto á identificación de produtos de calidade diferenciada, sen contar os catro selos que actualmente se atopan en trámite.

Todas estas producións son para Ángeles Vázquez, un "baluarte" do sector agroalimentario galego e teñen unha gran importancia tanto no plano social -ao implicar a máis de 28.000 produtores e máis de 900 industrias- como no económico, xa que segundo os datos da Xunta, o valor en orixe da produción certificada supera os 370 millóns de euros. 

O próximo luns 19 de decembro, arranca a XIX Cata de Queixos de Galicia, uha convocatoria que foi programada nesta ocasión no santiagués Centro Superior de Hostalería de Galicia. En total participarán 66 mostras. O certame anual de exaltación dos mellores queixos fabricados na Comunidade Autónoma está organizado pola Conselleria do Medio Rural, en colaboración cos consellos reguladores das denominacións de orixe protexidas.

Das 66 mostras participantes, 27 corresponden á Denominación de Orixe Protexida (DOP)  Arzúa-Ulloa (18 de queixo fresco e 9 de queixo curado 9), outras 24 pertencen a DOP Queixo Tetilla; dez son da Denominación de Orixe San Simón da Costa e cinco da DOP Cebreiro.

Segundo informou a Conselleria do Medio Rural, o panel de catadores está composto por expertos en análise sensorial como o persoal do Panel de Cata dos Queixos de Galicia, mestres de hostalería, recoñecidos escritores expertos en gastronomía como Xosé Manuel García, director do programa 'Come e Fala' da Radio Galega; blogueiros como Alfonso López Alonso, de 'Cocina de Rechupete'; cociñeiros de recoñecido prestixio, como os chefs dos restaurantes Casa Solla, Pepe Solla, e A Quinta da Auga, Federico López Arcay, e outros colaboradores.

A cata dos queixos comeza o luns pola tarde, coa coa selección dos queixos das DOP Arzúa-Ulloa e Queixo Tetilla, e remata coa cata final dos queixos o martes pola mañá.

Cata dos Meles
Cada ano, igualmente por estas datas, Medio Rural convoca tamén a Cata dos Meles de Galicia, que entra neste caso na súa decimoquinta edición, e que dará comezo igualmente o luns, no Centro Superior de Hostalería de Galicia. Son en total 29 as mostras que concurren. 
clic aquí para editar.