 A feira celebra este ano o 20 aniversario da Casa do Mel |  O encontro abre as súas portas ás 10 da mañá |
G.S. Lourido
Do mesmo xeito que o Queixo Arzúa-Ulloa abre no mes de marzo de cada ano as festas de promoción dos queixos galegos, o concello coruñés de As Pontes de García Rodríguez pecha na parroquia de Goente as feiras galegas de exaltación do produto. E tócalle este domingo, 8 de outubro. Falamos da Feira do Queixo do Eume e do Mel de Goente.
Haberá moitos e variados queixos da comarca coruñesa do Eume e doutros lugares de Galicia, e meles de inmellorable factura, capaces de maridar e seguir dándolle título conxunto ao evento, que entra este ano na súa décimo terceira edición. Desta volta hai un recoñecemento especial para a Casa do Mel, que cumpre o seu 20 aniversario.
Tempo de celebracións gastronómicas
Segue a ser tempo de celebración gastronómicas en Galicia, pois, nestes días florecen festas como a do Marisco do Grove ou a lucense de San Froilán. No propio concello de As Pontes, traballan este mes mes na exaltación e degustación dos cogomelos, de gran proxección tamén no concello. E non faltaron o ano pasado en Goente algúns cogomelos da tempada outonal, como cantarelos e níscaros, procedentes de terras lucenses.
Promoción de queixo e mel
O encontro deste domingo en Goente ten como finalidade promocionar e exaltar os produtos da gastronomía pontesa, así como dinamizar o sector primario. Abrirá as súas portas ás 10 da mañá, coa venda de mel, queixos e artesanía.
A partir das 12 celebraranse dous talleres -un obradoiro infantil de cociña e outro de hortos para abellas- que terán continuidade a partir das catro da tarde.
Ás 12,30 comezará unha degustación de petiscos co queixo e o mel locais como protagonistas. E non faltará un servizo de comida, un espectáculo de zancudos e de malabares, así como outras propostas xa habituais.
O feiral pechará ás sete e media da tarde.
Queixos Brigantia, un clásico do feiral cunha ampla e variada gama de produtos propios, en 2019
Queixerías do Eume, directo inspirador desta festa, reparte requeixo e queixos propios de diversa factura e con premios como a' World Chesse Awards'
A Queixería vilalbesa don Gabino, repartindo en 2019 os seus mellores produtos, entre eles un San Simón da Costa
Fuente RSS
