Queixo con chourizo de porco celta Queixo: Queixo con chourizo de porco celta
da Cooperativa do Campo Capela
Procedencia: Os Calzados s/n. A Capela (A Coruña)
Tipo de leite: de vaca, crú
Tamaños dispoñibles:
-(0,5 quilogramos, aprox.)
-(1 quilogramo, aprox.)
Tipo de queixo//Descrición: O queixo con chourizo de porco celta é unha variedade ideada pola Cooperativa de Campo Capela, que prepara en exclusiva esta especialidade na que ao queixo tenro de leite crú engádeselle chourizo de porco da raza celta. A súa cortiza é comestible e afínase con pemento doce, o que o converte nun produto suave no que ten un protagonismo especial o chourizo. Polo demais, resalta o fabricante que non leva ningún tipo de picante. Tampouco ten conservantes nen colorantes. Hai que destacar que ademais das bondades dun queixo feito con leite cru, está a do chourizo de porco celta, unha especie autóctona de Galicia en fase de recuperación, baixo a tutela da Xunta de Galicia. Os porcos críanse en libertade, alimentados con castañas, landras e pasto do monte. Outra cualidade a resaltar e que este queixo é un produto sen glute.
Suxestións de consumo e conservación: Ademais do seu consumo directo, aproveitando as posibilidades que ofrece un queixo distinto -co toque especial dos tropezóns do chourizo elaborado cun producto cada vez máis valorado como o felizmente recuperado porco celta- apunta a Cooperativa do Campo Capela que é moi saboroso en tostas quentes e na elaboración doutras opcións para untar. É igualmente perfecto se se combina con legumes, alcachofas e tortillas.
Para cortar este queixo recoméndase empregar un coitelo humedecido en auga morna ou un coitelo de untar (segundo aplicación). O queixo débese por a temperatura ambiente unha hora antes do seu consumo. Ten un período de conservación de tres meses e admite conxelación.
Fuente RSS
