Nome do queixo: 'Tetilla Hoxe'

Procedencia: Borralla, 34.
Lalín (Pontevedra)

DOP: Queixo Tetilla      
                                            
Tipo de leite: Vaca
100% pasteurizado

Tamaños dispoñibles:
​900 gramos e 1.200 gramos

Fabricante: Cooperativa Hoxe


​
​Tipo de queixo//Descrición: Callada enzimática, textura branda e cremosa, cor branca marfil, codia fina e uniforme. Olor a leite fresco. Queixo elaborado con leite da Comarca do Deza. Tempo de maduración entre oito e 20 días.

Suxestións de consumo e conservación: Tetilla Hoxe é un queixo de textura pastosa que debe conservarse en sitio fresco, pero que debe ser sacado unhas horas antes de ser consumido. Pódese comer tal cal ou acompañalo con marmelo ou con mel de Galicia.  Funde moi ben polo que se aconsella en pratos ao forno acompañando a carnes, peixes e incluso con polbo.

Premios: Premio Ministerio de Agricultura Mellor Queixo de España de Pasta Branda ano 2003 e accésit na mesma categoría no ano 2005. 

 
​Nome do queixo: 'Arzúa-Ulloa'

Procedencia: Orto, Boqueixón (A Coruña)

DOP: Arzúa-Ulloa

Tipo de leite: De vaca 100%, pasteurizado

Tamaños dispoñibles: 500 gramos, 900 gramos e 2,5 quilogramos

Tipo de queixo//Descrición: Queixo de pasta branca elaborado con leite pasteurizado de vaca. Ten un período de maduración mínimo de seis días e presenta forma lenticular. A súa corteza fina e elástica é de cor amarela medio escura, brillante, limpa e lisa.

Suxestións de consumo e conservación: Pódese consumir só, acompañado cun doce como o  marmelo ou o mel. E como todos os da denominación, da un xogo insospeitado na cociña, polo súa cremosidade e sabor, e marida perfectamente cos viños galegos, especialmente cun bo viño branco.

Recoméndase conservalo en frío, aínda que para consumilo deberá estar uns trinta minutos a temperatura ambiente, para así poder apreciar o seu completo sabor.

Unha vez aberto, aconséllase gardalo en sitio fresco ou na neveira e envolvelo nun pano ou metelo nunha queixeira.O seu consumo preferente é de cento oitenta días a partir da data de fabricación.

O produto está destinado a todo tipo de persoas en xeral, a non ser aquelas que sexan alérxicas a algúns dos seus ingredientes.

Premios: No anos 2015 e 2016, esta queixería foi galardoada na Cata de Queixos de Galicia con premio de ouro para o queixo que produce na Denominación de Orixe Protexida Arzúa-Ulloa. Nesta mesma denominación, De-Queixo tamén obtivo o premio de prata na Cata de Queixos de Galicia de 2013.