Os artífices do feiral presentaron hoxe en Arzúa o programa da 48 Festa do Queixo
G.S.L.
A 48 Festa do Queixo de Arzúa pechou cartel. Hoxe presentouse na vila coruñesa a programación completa, que concentra as principais actividades no 3,4 e 5 de marzo. Todo adornado nos días previos cun amplo abano de convocatorias que teñen na cultura un importante soporte, sen esquecer as propostas relacionadas co mundo educativo -con catas comentadas ou unha campaña de sensibilización medioambiental-. Exposicións, un estudo sobre comercialización e valorización de produtos con denominación ou o concurso de tapas e petiscos, son igualmente reclamos para os próximos días. E para os amantes dos queixos, 53 fabricantes no recinto feiral cos seus mellores produtos.
Na presentación, lembrou o alcalde do municipio coruñés, Xosé Luis García, que foron invitados para a ocasión veciños dos concellos galegos de Boimorto e Melide para promocionar as súas festas. Dixo tamén que todo o queixo que se venda no recinto feiral Terra do Queixo contará cos obrigados rexistros sanitarios e, como "herdanza" da pandemia, quedarán medidas como o control de acceso e o límite de aforo no recinto feiral e na carpa destinada aos eventos musicais.
O queixo, espíritu da festa
Xosé Luis García explicou que a filosofía e o espíritu da festa vai seguir sendo a proxección do queixo arzuán, e expresou a súa decepción polo escaso interese amosado pola Administración autonómica no apoio do feiral. Advertiu, neste senso, que non é a súa intención "andar mendigando" tres ou catro mil euros para un evento dun innegable prestixo, "que están copiando noutros sitios".
Medrando ao 5,2%
O queixo Arzúa-Ulla volveu marcar en 2022 un novo récord de facturación, con 4.240.000 etiquetas expedidas e un aumento das vendas do 5,2%. Estes bos datos de crecemento sostido permiten que a Denominación de Orixe Protexida (DOP) Arzúa-Ulloa manteña a primeira posicion na produción en leite de vaca de España e a segunda en produción xeral, con 1.500 explotacións vencelladas a un sector que o presidente deste consello regulador, Xosé Luis Carrera, non dubidou en cualificar de "estratéxico".
Xosé Luis Carrera, desvelou na presentación da 48 Festa do Queixo de Arzúa, que despois de 24 anos á fronte do consello regulador da DOP, "toca xa o relevo". Nas próximas semanas, coñecerase, previsiblemente, o novo titular.
A 48 Festa do Queixo de Arzúa pechou cartel. Hoxe presentouse na vila coruñesa a programación completa, que concentra as principais actividades no 3,4 e 5 de marzo. Todo adornado nos días previos cun amplo abano de convocatorias que teñen na cultura un importante soporte, sen esquecer as propostas relacionadas co mundo educativo -con catas comentadas ou unha campaña de sensibilización medioambiental-. Exposicións, un estudo sobre comercialización e valorización de produtos con denominación ou o concurso de tapas e petiscos, son igualmente reclamos para os próximos días. E para os amantes dos queixos, 53 fabricantes no recinto feiral cos seus mellores produtos.
Na presentación, lembrou o alcalde do municipio coruñés, Xosé Luis García, que foron invitados para a ocasión veciños dos concellos galegos de Boimorto e Melide para promocionar as súas festas. Dixo tamén que todo o queixo que se venda no recinto feiral Terra do Queixo contará cos obrigados rexistros sanitarios e, como "herdanza" da pandemia, quedarán medidas como o control de acceso e o límite de aforo no recinto feiral e na carpa destinada aos eventos musicais.
O queixo, espíritu da festa
Xosé Luis García explicou que a filosofía e o espíritu da festa vai seguir sendo a proxección do queixo arzuán, e expresou a súa decepción polo escaso interese amosado pola Administración autonómica no apoio do feiral. Advertiu, neste senso, que non é a súa intención "andar mendigando" tres ou catro mil euros para un evento dun innegable prestixo, "que están copiando noutros sitios".
Medrando ao 5,2%
O queixo Arzúa-Ulla volveu marcar en 2022 un novo récord de facturación, con 4.240.000 etiquetas expedidas e un aumento das vendas do 5,2%. Estes bos datos de crecemento sostido permiten que a Denominación de Orixe Protexida (DOP) Arzúa-Ulloa manteña a primeira posicion na produción en leite de vaca de España e a segunda en produción xeral, con 1.500 explotacións vencelladas a un sector que o presidente deste consello regulador, Xosé Luis Carrera, non dubidou en cualificar de "estratéxico".
Xosé Luis Carrera, desvelou na presentación da 48 Festa do Queixo de Arzúa, que despois de 24 anos á fronte do consello regulador da DOP, "toca xa o relevo". Nas próximas semanas, coñecerase, previsiblemente, o novo titular.
O presidente do consello regulador da DOP Arzúa-Ulloa (á dereita) adiantou na presentación que despois de 24 anos "toca relevo" no cargo
Fuente RSS
