Lácteos Anzuxao, en Arzúa, na primeira e última feira de 2020 na que se puideron exaltar os queixos galegos
Gonzalo S. Lourido
Despois da selección de queixos feita estes últimos días para o Nadal, sen máis parámetros que o de pertenceren a ese selecto clube que promove Galicia Calidade, hoxe é a quenda do queixo da Denominación de Orixe Protexida (DOP) Arzúa-Ulloa, da man, neste caso, do que fabrica a queixería lalinense Lácteos Anzuxao. Trátase dun produto elaborado con leite de vaca pasteurizado, cunha ampla gama de formatos, que van desde os 800 gramos ou un quilogramo de peso para o consumo familiar, ata os dous e 3,7 quilogramos que demandan sectores como o hosteleiro.
Trátase dun queixo de pasta branda, de sabor suave e poucos ollos. Atendendo ás demandas dos consumidores, Lácteos Anzuxao elabora os seus produtos con menos sal do habitual.O leite de vaca utilizado procede de produtores rexistrados da comarca de Lalín e dáselle prioridade ao gando de pastoreo, o que resalta o fabricante que non fai máis que darlle valor engadido ao producto final. O resultado son uns queixos cunha cor máis amarela que melloran tanto a súa textura como o seu sabor.
Tanto a cremosidade como a suavidade son dúas das principais características deste queixo, en liña co que esixe a DOP Arzúa-Ulloa. Esas dúas características fan que o produto sexa do gusto de todo tipo de padales. Non en van estamos a falar dunha denominación que, despois da DOP Queixo Manchego, é a que vende máis en España.
O Arzúa-Ulloa Pazo de Anxuxao ten múltiples recoñecementos e galardóns e, desde finais de 2016, dispón do certificado de Galicia Calidade, un selo impulsado pola Xunta de Galicia. Esta certificación supón para a queixería lalinense un recoñecemento máis para o seu produto e un plus de prestixo cara ao consumidor. Dese mesmo recoñecemento goza o seu queixo Tetilla.
Un 'porta a porta' de éxito
Un dos activos máis importantes de Lácteos Anxuxao é a venda 'porta a porta' en Galicia. Os consumidores reciben puntualmente os produtos no seu domicilio, o que supón unha tan tradicional como efectiva fórmula de fidelización. Unha flota de furgonetas sae todos os días a rúa para facer o reparto.
Pero se, pola contra, as demandas de produtos xorden desde calquer outro punto da Península Ibérica, pódense realizar pedidos a través do servizo e atención ao cliente do fabricante ([email protected]), que o envía por transporte ordinario ao domicilio do solicitante.
En breve: Bo Nadal cos queixos galegos! (e 5)
Despois da selección de queixos feita estes últimos días para o Nadal, sen máis parámetros que o de pertenceren a ese selecto clube que promove Galicia Calidade, hoxe é a quenda do queixo da Denominación de Orixe Protexida (DOP) Arzúa-Ulloa, da man, neste caso, do que fabrica a queixería lalinense Lácteos Anzuxao. Trátase dun produto elaborado con leite de vaca pasteurizado, cunha ampla gama de formatos, que van desde os 800 gramos ou un quilogramo de peso para o consumo familiar, ata os dous e 3,7 quilogramos que demandan sectores como o hosteleiro.
Trátase dun queixo de pasta branda, de sabor suave e poucos ollos. Atendendo ás demandas dos consumidores, Lácteos Anzuxao elabora os seus produtos con menos sal do habitual.O leite de vaca utilizado procede de produtores rexistrados da comarca de Lalín e dáselle prioridade ao gando de pastoreo, o que resalta o fabricante que non fai máis que darlle valor engadido ao producto final. O resultado son uns queixos cunha cor máis amarela que melloran tanto a súa textura como o seu sabor.
Tanto a cremosidade como a suavidade son dúas das principais características deste queixo, en liña co que esixe a DOP Arzúa-Ulloa. Esas dúas características fan que o produto sexa do gusto de todo tipo de padales. Non en van estamos a falar dunha denominación que, despois da DOP Queixo Manchego, é a que vende máis en España.
O Arzúa-Ulloa Pazo de Anxuxao ten múltiples recoñecementos e galardóns e, desde finais de 2016, dispón do certificado de Galicia Calidade, un selo impulsado pola Xunta de Galicia. Esta certificación supón para a queixería lalinense un recoñecemento máis para o seu produto e un plus de prestixo cara ao consumidor. Dese mesmo recoñecemento goza o seu queixo Tetilla.
Un 'porta a porta' de éxito
Un dos activos máis importantes de Lácteos Anxuxao é a venda 'porta a porta' en Galicia. Os consumidores reciben puntualmente os produtos no seu domicilio, o que supón unha tan tradicional como efectiva fórmula de fidelización. Unha flota de furgonetas sae todos os días a rúa para facer o reparto.
Pero se, pola contra, as demandas de produtos xorden desde calquer outro punto da Península Ibérica, pódense realizar pedidos a través do servizo e atención ao cliente do fabricante ([email protected]), que o envía por transporte ordinario ao domicilio do solicitante.
En breve: Bo Nadal cos queixos galegos! (e 5)
Lácteos Anzuxao, en plena promoción do seu queixo Arzúa-Ulloa, anos atrás
Fuente RSS
