A 47 edición da Festa do Queixo de Arzúa volverá levar as actividades á rúa 0 4,5 e 6 de marzo de 2022
G.S.
Despois de que o pasado ano tivese que organizarse unha Festa do Queixo de Arzúa online, por mor da pandemia, o concello coruñés acaba de anunciar esta fin de semana as datas da 47 edición, a previsión e que sexa presencial, a pé de rúa, como sempre. Celebrarase o primeiro fin de semana de marzo.
O encontro abrirase o venres, día 4 de marzo, co concurso de tapas e petiscos preparados con queixo da Denominación de Orixe Protexida (DOP) Arzúa-Ulloa nos locais de hostalaría da vila, e contará con dous días de feira, o sábado, 5, e o domingo, 6, nos que se desenvolverán actividades, animacións e concertos baixo a carpa do Festival do Queixo.
A festa volverá ser presencial, como nas edicións previas a aparición da covid, pero adaptándose e cumprindo a normativa en materia e regulación sanitaria que se atope vixente nese momento.
Cita ininterrompida
A festa de exaltación dos queixos desta denominación de orixe celébrase de xeito ininterrompido desde 1976, aínda que na edición de 2021 tivera que organizarse online. Daquela, máis de 3.000 persoas de diferentes países conectaron en streaming coas actividades organizadas para a ocasión desde Arzúa.
O primeiro, o cartel anunciador
Xunto co anuncio das datas da festa, o Concello de Arzúa convocou tamén o concurso de carteis para elixir o que anuncie a 47ª edición. O certame outorgará catro premios en metálico, cunha dotación económica de 600€, 300€ e 100€ para o 1º, 2º e 3º, respectivamente, así como un 4º premio, elixido por votación popular, que levará un agasallo especial.
A data límite para presentación de orixinais desde concurso é o 10 de decembro de 2021. O luns, 20 de decembro coñecerase o gañador ou ganadora.
Os organizadores agardan recibir en Arzúa "un feixe de propostas en diferentes técnicas e alimentadas da maior creatividade".
Despois de que o pasado ano tivese que organizarse unha Festa do Queixo de Arzúa online, por mor da pandemia, o concello coruñés acaba de anunciar esta fin de semana as datas da 47 edición, a previsión e que sexa presencial, a pé de rúa, como sempre. Celebrarase o primeiro fin de semana de marzo.
O encontro abrirase o venres, día 4 de marzo, co concurso de tapas e petiscos preparados con queixo da Denominación de Orixe Protexida (DOP) Arzúa-Ulloa nos locais de hostalaría da vila, e contará con dous días de feira, o sábado, 5, e o domingo, 6, nos que se desenvolverán actividades, animacións e concertos baixo a carpa do Festival do Queixo.
A festa volverá ser presencial, como nas edicións previas a aparición da covid, pero adaptándose e cumprindo a normativa en materia e regulación sanitaria que se atope vixente nese momento.
Cita ininterrompida
A festa de exaltación dos queixos desta denominación de orixe celébrase de xeito ininterrompido desde 1976, aínda que na edición de 2021 tivera que organizarse online. Daquela, máis de 3.000 persoas de diferentes países conectaron en streaming coas actividades organizadas para a ocasión desde Arzúa.
O primeiro, o cartel anunciador
Xunto co anuncio das datas da festa, o Concello de Arzúa convocou tamén o concurso de carteis para elixir o que anuncie a 47ª edición. O certame outorgará catro premios en metálico, cunha dotación económica de 600€, 300€ e 100€ para o 1º, 2º e 3º, respectivamente, así como un 4º premio, elixido por votación popular, que levará un agasallo especial.
A data límite para presentación de orixinais desde concurso é o 10 de decembro de 2021. O luns, 20 de decembro coñecerase o gañador ou ganadora.
Os organizadores agardan recibir en Arzúa "un feixe de propostas en diferentes técnicas e alimentadas da maior creatividade".
Fuente RSS
