Santiago de Compostela acolleu hoxe a XXIII edición da Cata dos Queixos de Galicia e XIX do Mel de Galicia
Castelo (Queixos Castelo de Brañas / Cebreiro ), Arquesán (Agro Despensa / Tetilla), Bo-queixo (José CastroTeo / Arzúa-Ulloa) e don Gabino (Cristina Román Candamil / San Simón da Costa) son os gañadores na última edición da Cata dos Queixos e da XIX Cata dos Meles de Galicia, celebrada hoxe en Santiago de Compostela, nun acto que estivo presidido polo conselleiro do Medio Rural, José González, acompañado polo director da Axencia Galega da Calidade Alimentaria (Agacal), José Luis Cabarcos.
José Gónzalez, destacou o prestixio da gastronomía galega en xeral e o dos queixos e meles en particular grazas á calidade das materias primas e do inmensurable esforzo do sector, nun ano atípico no que quedou claro que o medio rural é imprescindible.
Así, o titular de Medio Rural puxo en valor dúas das producións máis senlleiras do agro galego, resaltando que “estes produtos gardan neles a calidade que define a Galicia, que son mostra da nosa excepcionalidade”, dixo. Neste senso, sinalou que o reforzo desa calidade está asegurado a través da Estratexia de dinamización do sector lácteo. Este plan monográfico toma en consideración a produción de elaborados lácteos como o queixo, que reflexa a aposta do Goberno galego pola mellora e a promoción da calidade dos produtos lácteos galegos.
Relanzamento de Galicia Calidade
Así mesmo, mediante esta estratexia preténdese aumentar o peso das denominacións de orixe na transformación industrial, reforzando as campañas de promoción dos distintos selos de calidade no marco do relanzamento da marca 'Galicia Calidade', como punta de lanza para mellorar o posicionamento competitivo e a visibilidade do conxunto do sector, baseándose na calidade e na diferenciación. Tamén se traballará na adaptación dos formatos e envases dos queixos ás demandas de consumo e á tipoloxía dos fogares.
Nesta liña, o conselleiro matizou que se está traballando para mellorar, se cabe, o posicionamento dos produtos agroalimentarios no mercado, tanto nacional como internacional; na diversificación das producións e no fomento da industrialización no rural galego, xa que “o sector primario para Galicia é imprescindible, é garantía do noso porvir e é un motor esencial”, engadiu.
Falou tamen do papel das catas de Galicia, que promocionan uns produtos de alta calidade. Así, felicitou ás 29 industrias queixeiras e 25 industrias de mel que participaron nesta edición e gabou a profesionalidade destes sectores que, nun ano atípico, souberon saír adiante e fortalecer o prestixio da gastronomía galega.
Tres 'Galicia Calidade'
Entre os galardoados, por ser o tema que nos ocupa nestas últimas entregas de queixosdegalicia.com, están tres queixos galegos incluídos baixo algunha das Catro Denominaciós de Orixe Protexida e que forman parte de Galicia Calidade. Trátase de Daniberto, que obtibo o quinto posto nos Queixos Tetilla; Pazo de Anzuxao, que acadou o premio de prata para a DOP Arzúa Ulloa; e, de novo Daniberto ,cun 'bronce', para o seu queixo San Simón da Costa.
O datos
Un total de 86 mostras participaron na XXIII Cata dos Queixos e na XIX Cata dos Meles de Galicia, organizada pola Consellería do Medio Rural e os consellos reguladores das denominacións de orixe protexida (DOP) San Simón da Costa, Queixo Tetilla, Arzúa-Ulloa, Cebreiro e da Indicación Xeográfica Protexida (IXP) Mel de Galicia.
Nesta vixésimo terceira edición, optaron a galardón 29 industrias queixeiras, cun número de mostras que se distribuíron da seguinte forma: 20 queixos inscritos da DOP Queixo Tetilla; 15 queixos na categoría DOP Arzúa-Ulloa e cinco queixos que competiron como Arzúa-Ulloa curado; sete pertencentes á DOP San Simón da Costa e dúas queixerías na categoría de queixo fresco da DOP Cebreiro. No caso dos meles, 25 industrias proveron 17 meles para concursar na categoría A, de meles monoflorais, e outras 20 para a categoría B, correspondente a meles multiflorais.
Os paneis de cata estiveron formados por profesionais experimentados vencellados ao ámbito da gastronomía, da hostalería, da comunicación e do sector agroalimentario. Eles foron os encargados de analizar totalmente a cegas e de forma minuciosa as mostras, para pasar a seleccionar as marcas gañadoras que hoxe foron reveladas.
Meles
Nos meles, os 'ouros' foron, en multiflorais, para O poder das Flores, de Javier Carreiras Cuadrado, e en monoforais para Ouro Puro, de Iván Marrube Rodríguez.
Estes foron os gañadores da XXIII edición da Cata dos Queixos de Galicia e da XIX Cata dos Meles
Fuente RSS
